نجيمات بالدجاج بنان بالصور

مرحبا بكم

موقع ام مروان يقدم لكم نجيمات بالدجاج

طريقة تحضير نجيمات بالدجاج بالصور

هما نجيمات مفتولين باليد كيبانو بحال المحمصة لكن ماشي محمصة هما عبارة على شكيلات صغار مربعات قلوب ونجيمات تقدرو تعملو نجيمات عادين
الطريقة هي طريقة الوالدة ديالي نتمنى تجربوهم كيجيو رائعين
مقادير نجيمات بالدجاج

نجيمات+الدجاج+3بصلات+ابزار +سكنجبير +ملح +خرقوم بلدي +الزعفران الحر قبطة مربطة قزبر ومعدنوس + زيت الزيتون+ الزبيب

طريقة تحضير نجيمات بالدجاج 
ناخد الدجاج منقي ومغسول بالخل وسكنجبير والملح مزياان
ونعملو بطنجرة الضغط او برمة خاصة بالكسكس /
تم نعمل 3 بصلات كبار مقطعين بشكل طولي + ابزار سكنجبير ملح خرقوم بلدي الزعفران الحر قبطة مربطة قزبر ومعدنوس تم زيت الزيتون نخلي الكل يتشحر على نار مهيلة

نعمل الزبيب بكيس غدائي ونعقدو ونتقبو بابرة باش يخرج الهواء هدي كتبقى طريقتي الخاصة نعرف انو غير صحي نعمل البلاستيك يطيب لكن كتجيني سهلة انتو تقدرو متعملوهاش نروي بالماء دافئ ونتركو يطيب مزيان

نحرك النجيمات بزيت الزيتون + ملح ونضعه بالكسكاس الخاص بالبخار

انا عملتو بالكسكاس اللي يوضع فوق الة الضغط

نوضعوه بقصرية نخويه فوقو الماء ونخليوه يتشرب مزيان هاد الطريقة كتنفع باش مني نعملو النجيمات يطيبو فالمرق مياخدوش وقت

هنا الدجاج والبصل زولتوهم من الة الضغط وخليت غير المرق باش نطيب فيه النجيمات

وضعت النجيمات بالمرق وضفت السمن وخليتهم يطيبو مزيان الى بان ليكم انهم مطابوش يمكن تضيفو الماء وتسدو عليهم

هنا طابو وتشرب مزيان 

حطيت النجيمات بطبق التقديم تم الدجاج والبصل وزينتهم بالبيض والزبيب اللي كنت عملتو ببلاستيك التزين والكمية كيبقى اختياري

هاهما النجيمات بالدجاج

njimat bdjaj